அமேசான் கனடா நிறுவனம் தனது பிரைம் சந்தாதாரர்களுக்காக ‘Add to Delivery’ என்ற புதிய அம்சத்தை அதிகாரப்பூர்வமாக வெளியிட்டுள்ளது. வாடிக்கையாளர்கள் ஒரு பொருளை ஆர்டர் செய்த பிறகு, மற்றொரு பொருளைச் சேர்க்க மறந்துவிட்டதை உணர்ந்தால், அந்த சிரமத்தைக் குறைக்கும் வகையில் இந்த வசதி வடிவமைக்கப்பட்டுள்ளது.
இந்த புதிய முறையின்படி, ஏற்கனவே ஆர்டர் செய்யப்பட்டு விநியோகப் பாதையில் உள்ள ஒரு பொதியுடன், தகுதியுள்ள புதிய பொருட்களை வாடிக்கையாளர்கள் இணைக்க முடியும். அமேசான் செயலி, இணையதளம் மற்றும் கைபேசி வாயிலாக இச்சேவையைப் பெறலாம். தகுதியுள்ள பொருட்களின் பக்கத்தில், ‘Add to cart’ பொத்தானுக்குக் கீழே ‘Add to Delivery’ என்ற நீல நிறப் பொத்தான் இதற்காக வழங்கப்பட்டுள்ளது.
மளிகைப் பொருட்கள், செல்லப்பிராணிகளுக்கான பொருட்கள், மின்னணு சாதனங்கள், ஆடைகள் மற்றும் புத்தகங்கள் என பல கோடிப் பொருட்களுக்கு இந்த வசதி வழங்கப்பட்டுள்ளது. மேலும், பொருட்கள் அனுப்பப்படுவதற்கு முன்னதாக, வாடிக்கையாளர்கள் தாங்கள் கூடுதலாகச் சேர்த்த பொருட்களை ‘Your Orders’ பக்கத்தின் மூலம் ரத்து செய்யும் வசதியும் உள்ளது. அக்டோபர் 2025-ல் அமெரிக்காவில் தொடங்கப்பட்ட இந்த அம்சம் தற்போது கனடாவிலும் முழுமையாக நடைமுறைக்கு வந்துள்ளது.
