கனடாவின் பிரிட்டிஷ் கொலம்பியா மாகாணம் வான்கூவர் நகரைச் சேர்ந்த செபில் என்ற பெண்மணிக்கு குலுக்கல் சீட்டில் பத்து லட்சம் டாலர் பரிசு கிடைத்துள்ளது. அகாசிஸ் பகுதியில் உள்ள ஹாட் ஸ்பிரிங்ஸ் சாலையில் அமைந்திருக்கும் எரிபொருள் நிரப்பு நிலைய அங்காடிக்கு பனிக்கூழ் வாங்குவதற்காக சென்றபோது, தாம் வைத்திருந்த லோட்டோ ஆறு நாற்பத்தொன்பது குலுக்கல் சீட்டை அவர் சோதித்துப் பார்த்தார்.
அங்குள்ள தானியங்கி சரிபார்ப்புக் கருவியில் சீட்டை பரிசோதித்தபோது பத்து லட்சம் டாலர் பரிசு விழுந்திருப்பது தெரியவந்தது. உடனடியாக தனது தாயாரை தொலைபேசியில் அழைத்து இத்தகவலைப் பகிர்ந்துகொண்ட அவர், குடும்பத்தினருடன் இரவு உணவு அருந்தி மகிழப்போவதாகத் தெரிவித்தார். இதேபோன்று போர்ட் கோக்விட்லாம் பகுதியைச் சேர்ந்த லெஸ்லி என்பவரும் ஃபேமிலி மில்க் கடையில் வாங்கிய சீட்டில் பத்து லட்சம் டாலர் பரிசை வென்றுள்ளார் என்பது குறிப்பிடத்தக்கது.
