சன் பிக்சர்ஸ் தயாரிப்பில் நெல்சன் இயக்கி ரஜினி நடித்துள்ள ஜெயிலர் 2 திரைப்படம் கடந்த 15ம் தேதி வெளியாகி சூப்பர் ஹிட் அடித்திருக்கிறது. இதுவரை இந்த திரைப்படம் ரூ.600 கோடிக்கு மேல் வசூல் செய்து விட்டதாக செய்திகள் வெளியாகி வருகிறது.
இந்நிலையில், ஜெயிலர் 2 திரைப்படத்தை ரஜினி ரசிகர்களுடன் பார்த்து ரசித்த சம்பவம் நடந்துள்ளது. ரஜினி ரசிகர்களுடன் படம் பார்த்து 40 வருடங்களுக்கும் மேல் ஆகிவிட்டது. இந்நிலையில்தான் சென்னை வேளச்சேரி பீனிக்ஸ் மால் ஐநாக்ஸ் திரையரங்கில் நேற்று இரவு ரசிகர்களுடன் அமர்ந்து ஜெயிலர் 2 திரைப்படத்தை ரஜினி பார்த்து ரசித்திருக்கிறார்.
அப்போது ரஜினியுடன் அவரின் பேரன்கள் இரண்டு பேர், இயக்குனர் நெல்சன் மற்றும் அனிருத் ஆகியோரும் படத்தை ரசிகர்களுடன் பார்த்து ரசித்தனர். இது தொடர்பான புகைப்படங்கள் தொடர்ந்து வெளியாகி வருகிறது.
