‘மொத ராத்திரி’ படத்தின் மூலம் தமிழ் திரையுலகில் கவனம் ஈர்த்துள்ள நடிகர் ரிஷிகாந்த்தின் 38-வது பிறந்தநாளை முன்னிட்டு, அப்படத்தின் இயக்குநர் ராஜா கருப்பசாமி வெளியிட்டுள்ள எமோஷனலான வாழ்த்துப் பதிவு இணையத்தில் வைரலாகி வருகிறது.
ரஜினிகாந்தின் சாயல் இருப்பதாக நெட்டிசன்களால் ட்ரெண்டாக்கப்பட்டு வரும் ரிஷிகாந்த், கார்த்திக் சுப்புராஜ் இயக்கத்தில் உருவாகியுள்ள ‘டோரதி’ படத்திலும் கதாநாயகனாக நடித்துள்ளார்.
இயக்குநர் ராஜா கருப்பசாமி தனது பதிவில், சுமார் 8 ஆண்டுகளுக்கு முன்பு தன்னிடம் பணமில்லாதபோதும், சம்பளம் மற்றும் பயணச் செலவு கூட வாங்காமல் தனது ஸ்கூட்டியிலேயே வந்து நடித்துத் தந்த ரிஷிகாந்த்தின் உழைப்பை நினைவுகூர்ந்துள்ளார்.
பல தோல்விகள், தனிப்பட்ட இழப்புகள் மற்றும் சண்டைகளைக் கடந்து அவர்கள் இருவரும் இன்று வெற்றியை எட்டியுள்ளதாகவும், ஒரு வருடத்திற்கு முன்பு தேநீர் கடையில் உட்கார்ந்து அழுதுகொண்டிருந்த நிலை மாறி, இன்று ரிஷிகாந்த் தமிழ் சினிமாவின் மிகப்பெரிய நட்சத்திரமாக மாறுவார் என்றும் அவர் நெகிழ்ச்சியுடன் குறிப்பிட்டுள்ளார்.
