கடந்த பல தேர்தல்களில் வைகோவின் மதிமுக திமுக கூட்டணியில் இருந்த நிலையில் 2026 சட்டமன்ற தேர்தலில் தவெக வெற்றி பெற்று விஜய் முதலமைச்சரான பின் அந்த கட்சி தவெகவை ஆதரிக்க தொடங்கிவிட்டது. அதோடு தவெக கூட்டணியில் மதிமுக இருப்பதாக வைகோவும் அறிவித்துவிட்டார்.
இது திமுகவை கோபப்படுத்தியிருக்கிறது. சமீபத்தில் செய்தியாளர்களிடம் பேசிய திமுக முன்னாள் அமைச்சர் கே.என்.நேரு ‘துரை வைகோ என்னிடம் ‘என் தந்தை வைகோ மிகவும் கோபக்காரர்.. அவரால் இந்த கட்சியை நடத்த முடியாது.. நான் திமுகவில் சேர்ந்து கொள்கிறேன்’ என என்னிடம் கூறினார்’ என கூறியிருந்தார்..
இந்நிலையில், இன்று செய்தியாளர்களிடம் பேசிய துரை வைகோ ‘உதயநிதியை வைத்து அரசியல் செய்ய முடியாது என சொன்னவர் கே.என்.நேரு. கலைஞர் காலத்தோடு அரசியல் முடிஞ்சு போச்சு.. இந்த பையனை வைத்தெல்லாம் அரசியல் செய்ய முடியாது என்று அவர் கூறினார்.. இதுதான் அவர்.. இதற்கு மேல் நான் பேச விரும்பவில்லை..
கூட்டணியிலிருந்த போது திமுக என்னை அவதூறாக பேசியது.. சிறுமைப்படுத்துவது.. பண்ணையார் அரசியல் செய்வது என்னிடம் நடக்காது.. தனிமனித தாக்குதலுக்கு பயப்படக்கூடிய நபர் நானில்லை.. யாரும் என்னை மிரட்ட முடியாது.. எனக்கும் நிறைய விஷயங்கள் தெரியும்.. அனைத்தையும் பேச வேண்டியிருக்கும்’ என கூறியிருக்கிறார்..
